احترت في الصناديق 00 فهل اسحب ؟رائك يهمنا

[الساهر 2005]

اشتركت في صندوق الاهلي بتاريخ 3 / 5 / 2005 بمبلغ ( 000 300 ) وكان سعر الوحده حينها
( 8,28 ) وبعد يومين خسرت كان سعر الوحدة ( 8,05 )
وعندما ارتفعت الوحدة ( 8,94 ) كان الربح 24 الف واليوم سعر الوحدة ( 8,22 ) وخسران 3000 ريال وحسابي الان
( 297 ) الف وخايف استمر ولا 00 اسحب لان التقييم الحالي وبعد مرور شهر للاسف خسارة عن راس المال ( 3000 ) ريال

فبماذا تنصحون 00 ودمتم

[طاق نسبه]

اخوي الساهر ..
احنا ما نفرق بين المضاربه والاستثمار (((الصناديق هذي صناديق استثماريه على اللونق تيرم يعني المدى الطويل ..تجنبك الخساره في الاستثمار المباشر بالاسهم لاننا مهما كنا فاهمين ما راح نكون اكثر فهما من خبراء الصناديق اللي يستعينون بالقوائم الماليه لركات ويقومون بتحليلها ودراستها ومهما كانت خسارتهم فليست مثل خسارة المستثمر المباشر بالاسهم ..
خل فلوسك وما جاك علي ...بس اسأل عنا بعد سنه وقل طاق نسبه ما قالي
تحياتي
((الارباح المتوقعه بعد سنه لا تقل عن 120% انشالله ))

[الساهر 2005]

أخي طاق نسبه 00 أشكرك على المرور والتوضيح وصدق لو الارباح زي ما قلت لك عندي الحلاوة 00

وشكرا مرة اخرى

[طاق نسبه]

مشكككككككور الساهر ....ياليت يكون لون الفيراري اصفر
(((((.......ثوب كبك))))))

[tasi]

شوف يا سيدي الكريم (الساهر 2005) انا مشترك في بنك الرياض من حوالي سنة وتسع شهور وبدأت بأقل مبلغ مسموح فيه وهو 10000 ريال وكان سعر الوحدة حوالي 22 ريال طيب.... وبعدها بشهر خسرت حوالي 800 ريال يعني حوالي 9% من راس المال بس ايش صبرت عليه ومن بدأت احقق مكاسب زودت مبلغ الاستثمار وبعدها سحبت حوالي 12000 ريال والمبلغ الموجود حاليا بحدود 15000 ريال وسعر الوحدة حاليا بحدود 66 ريال ... شوف الفرق من 22 لـ 66 يعني 3 اضعاف وماني مدوخ نفسي بسهم الشركة الفلانية ولا العلانية لأن اصلا ماعندي وكت... ولو عندي سيولة حاليا كان زدت مبلغ الاستثمار وشغلت الفلوس بس (عأبال عندك والباأيين) بتزوج.
بس ما ادري لو اتفكر انك تستثمر بأكثر من بنك ايكون افضل حسب رايي وامشي على راي المثل الفرنسي (لاتضع كل البيض في سلة واحدة)....
مع تمنياتي لك بالتوفيق والربح الحلال انت والسامعين.....قصدي القاريين ان شاء الله

[السهم الصامت]

يا ذوي الخبرة ممكن تفهموني لاني غشيم بامسألة الصناديق ابي منكم شرح مبسط

انا في يوم الأربعاء رحت واشتركت في صندوق الرائد حطيت فيه 15000 ريال وطلعت ولا ادري وش السالفة مدري عن شي

اسمه سعر الوحدة ولا كيف اعرف اني ربحت او خسرت ولا حتى اعرف متى اخذ ربحي او استعيد راس مالي ارجوا منكم

التوضيح ... وشكراً انتظر الرد السريع

[marlboro]

السلام عليكم ورحمة الله

اخي الكريم كلام الشباب الي سبقوني سليم 100% صناديق الاستثمار على اسمها استثمار وليست مضاربه بمعنى انها ما تنحسب العمليه في يوم وليله تحتاج اشهر او سنه لكي تحدد موقفك هل انت خسران ام ربحان .

وعلى حد علمي ان اقل صندوق في البنوك السعودية كان ربحان باكثر من 70 % لعام 2004م وصندوق الامانه مادري الرائد حقق 42% حتى نهاية شهر مايو 2005م على ما اذكر

اذا العمليه يبيلها وقت لتحسبها صح ياملا الغنات انشالله .

واذا بتلعبها صح قسم المبلغ على اربعه ضارب بربع المبلغ ووزع الباقي على ثلاث صناديق شرعية ويرزقك الله الواهب الرزاق . تمنياتي لك بالتوفيق وتقبل التحية

[tasi]

عزيزي السهم الصامت
السلام عليكم ورحمة الله وبركاته
الشغلة ياخوي بسيطة.... انت دحين اشتركت بصندوق الرائد طيب... بتروح وبتسأل موظف بنك سامبا المسؤول عن الاستثمار وتكوله متى بيدخل حسابي في الصندوق الاستثماري... يعني مو تشترك بالمبلغ اليوم ويدخل في صندوقك الاستثماري بكرة .. لا هناك ايام محددة للاشتراك والسحب في كل الصناديق الاستثمارية... في منها يوميا.. يعني اتحط اليوم يدخل اشتراكك بكرة .. في منها كل يوم اثنين وسبت .. وهكذا فانت لازم تعرف متى بيدخل اشتراكك... هذا اولا ... ومن تعرف اليوم اللي يبدأ تفعيل اشتراكك راح تعرف عدد الوحدات اللي انت داخل فيها في هذا الصندوق .. يعني مكان ما تشتري اسهم راح تشتري وحدات استثمارية في صندوق الرائد... عملية حسابية بسيطة.. افترض ان دخولك حيكون يوم السبت 4 يونيو وفي هذا اليوم سعر الوحدة في صندوق الرائد هو 5640 ريال مثلا فمعناه عدد الوحدات اللي تمتلكها هو 15000/ 5640 = 2.6595 وحدة طيب.... الان ابدأ بمتابعة تقييم وحدة هذي الصندوق فرضا بعد شهر بتكون 6000 ريال يعني مبلغ استثمارك بيكون 2.6595*6000 = 15957 ريال وهكذا.... وفي كل الصناديق الاستثمارية في كشف حساب يرسل على صندوق البريد الخاص بك وعادة يكون شهري الا اذا انت ما كتبته في طلب الاشتراك بالصندوق يرسلولك كشف بعدد الوحدات اللي تمتلكها وسعر الوحدة في نهاية الشهر ومبلغ استثمارك قديش صار ... ولابد في من خلال خدمة الاون لاين الخاصة بسامبا انك تدخل على حسابك وتشوف قديش المبلغ الاستثماري اللي في رصيدك .. واذا تبغى تسحب مبلغ معين فلكل صندوق حد ادنى للسحب والاضافة يعني ما تكدر تسحب 500 ريال مثلا ... لا اقل شيء 2000 ريال مثلا او اكثر او اقل وتقدم طلب للبنك ويتم ايداع المبلغ اللي سحبته من حسابك الاستثماري على حسابك الجاري في بنك سامبا بعد يومين عمل او ثلاث وحسب نظام صندوق الرائد... تقدر تعرف هذي البيانات بسهولة اما من موقع تداول www.tadawul.com.sa بالدخول على صناديق الاستثمار ومنها على بنك سامبا ومنها على صندوق الرائد او من الجرايد او من موقع سامبا على النت او بخدمة سامبافون .... امل اني ما عقدت الامور ووضحتها لك واذا احتجت شي راسلني على mrcivileng2002@yahoo.com وانا في الخدمة

[السهم الصامت]

أشكرك أخي tasi على هذا التوضيح المفصل ولا راح نستغني عن خبرتك في هذا المجال

بالنسبة لخدمة سامبا أون لاين حاولت اشترك فيها بس ما يقبل تسجيلي .. كيف هي الطريقة الصحيحية للأشتراك

وشكراً