حسبي الله ونعم الوكيل فيكم ياالأتصالات السعودية الجوال والثابت

[كروز]

ارسلوا لي النصابين الله لا يوفقهم ولا يربحهم اليوم رساله نصها ( مبروك عليك لقد ربحة مع الأتصالات السعودية أشتراك
مجاني لمدة شهر في خدمة موجود اكستر ) والله اللي قاهرني أني ملغي خدمة موجود أكستر منذ شهرين لأنها خدمة فاشلة وسببت لي مشاكل كثيرة مع جميع المتصلين وأحراجات لاحصر لها-الله لا يوفقهم لا هم ولا شريحتهم على ان
رقمي مميز لكن سوف أشتري شريحة زين ورقم مميز لو يكلفني( 100 ريال ) نصابين محترفين

كذلك نصبوا علي في الهاتف الثابت جتني الفاتورة 534 ريال لمدة شهرين --
في هذه المدة أنا مسافر خارج المملكة ولا يوجد أحد في البيت0
أتصلت على 907 رد علي شخص أسمه-- بندر الخالدي وصراحة الرجال محترم قال الفاتورة فيها
مبلغ 78 اشتراك شهري
مبلغ 44 مكالمات داخلية
مبلغ 20 الكاشف
مبلـــــــــــــــــــــــــــــــــــغ 392 رسوم أشترك ديسيل -- لاعلم لي بديسيل هذا الا من ولد الخالدي
يا أخي أنا طلبت الديسيل قبل سنه أيام كان مجاني - وكيف تركبون الديسيل بدون علم المشترك طلبت من بندر الخالدي ان يرفع أعتراض على الفاتورة وطلب رقم جوالي على أساس يتصلوا علي
بعد 24 ساعة ورفع الأعتراض وهذا رقم الأعتراض 640783 والى يومك هذا لا علم ولا خبر ما هو الحل ياشركة الأتصالات مع هذا
الأستخفاف بعقول المشتركين الذين وثقوا فيكم ولكن في هذا الشهر الفضيل ما أقول إلا (حسبي الله ونعم الوكيل فيكم ) وماهو الحل يا أعضاء يا كرام 0 وقبل كل هذا( شهر مبارك عليكم وتقبل الله منكم ومنا صيامنا وقيامنا)

[العبدي1]

شرحك ... فاتورة ثابت بـ 604 ريال يقولون منها 360 رسوم 3 شهور دي اس ال مع انهم بالعادة يأخذون شهرين والغريبة ان الشهر الثاث مسدد في الفاتورة السابقة ، والجماعة تجاهلوا حسم انقطاع الـ دي اس ال لمدة 15 يوم وسجلت اعتراض واربع مرات تعقيب وكل مرة يقولون يتصلون عليك بغد 24 ساعة وهالحين صار اكثر من ثلاثة اسابيع دون اتصال .. شركة حرامية ونصابين والله يجيب اللي يخلصنا منهم.

[كوكو الحربي]

الله يعينك اخوي
بس لاتسكت على حقك سويلهم قروشه ( يعني ازعاج ) اذا مالقيت حل من الموظف قوله حولني على المشرف ولاتقفل من المشرف الا ومعطيك هو الحل
مش حالك شركة سدد ثم اعترض

[greeting]

انا مشكلتي نفس مشكلتك واخس منها انا طالب ديسيل مجاني وحاسبينه عليه وأخر فاتورة جتني مبلغ 1703ريال رغم اني ما اتصل بالتلفون ولا عندي انترنت وقطعوا الخط عليه وبعد شهرين جتني رسالة اخرى تقول ان مبلغ الفاتورة 2074ريال اول مرة تحصل فالتاريخ تلفون مفصول من شهرين ويحسب فلوس عليه حسبنا الله ونعم الوكيل على الظلمة النصابين

[دغبج]

انا زيك انصبوا علي بالدي اس ال والحين واتصلت عليهم قلت لهم الغو الدي اس ال واحسبهم ملغينه بعد فترة حاطين علي 2400 ريال الله لا يوفقهم ابهالرمضانية

[صريح الرأي]

حرامية ونصابين
انا أسدد دائم وبعدين فصلوا عليه dsl ويقولون عليك فاتورة 990ريال من سنتين لعنت الله عليهم .

[متداول غشيم]

مع ذالك الاتصالات حاليا افضل من غيرها

[موبايلي عالم من اختياري]

ازيدك من الشعر بيت
موجود اكستر لدى موبايلي بالمجان طال عمرك

تحياتي

[فريق التحدي]

سجل معاك واحد: حسبي الله على الإتصالات

وهداياهم استهبال .. قاعدين يعطونا خدمات احنا في غنى عنها ولا لنا حاجه فيها

لو انهم شركة زين الناس والعالم كان عطوكم دقائق مجانية أو خصم على الفاتورة

مدري البقية القليلة وش اللي مخليهم فيها لحد الآن .. غيروا أرقامكم أو حولوها لموبايلي والرقم ما يتغير

[the_MAN]

لا بارك الله فيهم

فاتورة البيت فيها 375 ريال

ويوم اتصلت على 907 استفسر عن المفوتر وغير المفوتر
رد علي الكمبيوتر وقال ان مبلغ الفاتورة 851 ريال وغير مفوتر 300

مع إني ما استخدم الهاتف للاتصال ولا عندي dsl

رحت اسدد في الصراف طلع نفس مبلغ الفاتورة 375 ريال

لكن رسايلهم على الجوال تقول الفاتورة 851 ريال

وش الحل معهم