[ضامية]

المشاركة الأصلية كتبت بواسطة سلطانهم

للاسف اخطأتي

الأقتباس ذو اللون الاحمر غير موجود وهو من الخيال

انا عايش في المجتمع الي كلنا عايشين فيه

لم نرا هذا

الي اعرفه واذا البنت على ماتقولين محجوزة لولد العم وجاها خاطب يسألون ولد العم هل يريد البنت ام تذهب في نصيبها


يا أختي بنات اليوم كبر راسهن ويتشرطن على الخطاب وخاصه الموظفات منهن


اما اذا كانت مدرسه لاتكلمها بس محد قدها


العنوسه بسبب المهر المرتفع
العنوسه تتنتهي بتيسير الزواج على الزوج ومساعدته

الحين اذا صار الواحد موظف براتب 4500 ريال كيف بيتزوج بمهر 50.000 ويشتري سيارة بـ 30.000

ويستأجر بـ 20.000 واثاث بـ 30.000 ويمكن بعد لازم خدامه بحدود 6000 استقدام وراتب 800 شهري


يعني بنقول 155.000 براتب 4500 يعني بالله وش صفى له من الراتب ريالين


يعني لو البنت قالت لنفسها ان الزواج ستر لها واستقرار مع الشاب وبتعيش برومنسيه الحياه معه

(((( طبعا اذا كان شاب ذو خلق وذو وازع ديني ))))))


وتنازلت عن المهر وكان بـ 20.000

والسيارة بـ 30.0000

ونستأجر بـ 15.000 على قدنا وماهو لازم خدامه ونأثث بـ 20.000


يعني 85.000 شفتوا الفرق يابنات

عفواً اخي الكريم

انا لم أخطاء ... لكن هذا هو الواقع

قسما بالله ان فيه قبايل وصلو بناتهم فوق الاربعين وفوق الخمسين .. ونسأل الله السلامة بناتهم من غير زواج

وهذا الشي حاصل قدام عيوني

والشي الثاني انا سمعت مرة في التلفزيون فتيات يتصلن على الشيخ ويخبرونه انهن محرومات من المشاورة للخاطب طارق الباب

بحكم انه ليس من (الجماعة)

لاتقول مافي عنصرية قبلية من ناحية الزواج .. الا فيه ... وأسال أي احد من أصدقائك ومن قبائل مختلفة

عندما احصو التعداد السكاني في المملكة

طلعت نتيجة العوانس اكثر نسبة في مكة تاليها الرياض

ومن يسكن هالمنطقتين ... اسأل وراح تعرف ... وبعدها راح تتأكد انه فيه عنصرية قبلية مايزوجو بناتهم لمن هب ودب

والنقطة الثانية وهي ان بعض العوائل مايزوجو بناتهم لمنه هب ودب بحكم الطبقة الاجتماعية الغنية اللي هم اصحاب الملايين ... يعني لو يتقدم لبنتهم شاب فقير اقل منهم من ناحية الطبقة الاجتماعية وراتبه الفين او ثلاث الاف ريال .... فهذا مرفوض رفضاً باتاً .... والفرق معروف الا اذا له نصيب هذا شي ثاني

والبنات انا معاك كثير منهن متشرطات

اعرف انا وحدة مثلا متشرطة بشكل مو طبيعي

تبي فارس احلامها من العوائل الراقية

وسيم جدا ... قريب عمره من عمرها

جامعي .. وراتبه لايقل عن 8000 ريال او 10,000 ريال

ومايقل مهرها عن 50,000 ريال

ويسكنها في فلة فخمة

وكانت ماتعطي فرصة لاي احد من الناس اللي تحتقرهم

دارت الايام والحين عمرها 28 سنة

تقدم لها الشاب اللي تتمنى مواصفته

بس عمره مش عاجبها ... لانه اربعيني

قلت لها وافقي ... قالت لالالالالالالالالالالالالالالا

طيب ليه

قالت كبيييييييييير اربعين عمره

قلت لها مناسب لك انتي مو صغيرة بنت العشربن

قالت لي بتضجر...... لالالالالالالالا يمممممه اربعين عمره والله شي يخوف

هههههههههههههههههههههههههه

قلت لها يابنت الناس بعضهم مايبان عليه اربعين او حتى عشرين

وبعدها ماعاد سالتها ... بس شكلها رفضته

ونقطة ثالثة ... غلاء المهووووووووور

مرة سألت وحدة من الرياض عن المهور عندهم

قالت لي اقل شي 60,000 ريال

قال لها كثيرة

قالت لي ومتعجبة من كلمتي كثيرة

قلت لها ايه

لاني انا اللي اعرفه في الوقت الحالي اغلب الشباب رواتبهم قليلة جداً يعني حدود الفين او ثلاث الاف ريال ... هذا شلون يتزوج


واقول اخر شي من طبق حديث الرسول راح تنحل مشكلة العنوسة

قال الرسول (ص) [من جائكم وترضون دينه وخلقه فزوجوه إلا تفعلو تكن فتنة في الارض وفساد عريض] .. او كما قال عليه الصلاة والسلام

آسفة على الاطالة .. بس انت تبيني اتفاعل مع الموضوع ... وهذا ردي