بسم الله الرحمن الرحيم
السلام عليكم ورحمه الله وبركاته
الله يوفقك ويرزقك ويبارك فيك ويغفرلك ولوالديك ويفتح لك ابواب رحمته
امس الظهر شفت الموضوع هذا وقعدت اشوفه ابي افهم
جلست ادقق من هنا من هنا وشلون رسم وشلون اخذ النقاط واسئله كثيره قلت اجرب المساء على ورق واذا نفعت اطبقها كل يوم واستفيد منها
بس شفت العجب اي والله شفت العجب وكل ما تذكرت اقول الله يوفقه
المكسب الي امس بالجلسه المسائيه تدري كم حسبته ولا وازيدك من الشعر بيت بعض الارباح شاطبهن وماسحهن
الي طلع عندي ارباح بمقدار 80% كيف 80% في ساعتين الله يسهل دربك
الشركات الي شفتهن وتابعتهن بالرسم
التعمير--------------------- السيارات------------------- صافولا-------------------- المؤشر العام
طبعا راس المال 93.000ريال
التعمير طلع لي 39416 ريال ربح
السيارات طلع لي 25854 ريال ربح
صافولا طلع لي 9310 ريال ربح
ماني مصدق بس المشكله شئ شفته بعيوني
المجموع 74580 ريال من93000 ريال في ساعتين اتحدى احد يصدق
يعني بساعتين صار راس مالي 167580 ريال الحمدلله
طبعا هذا تطبيق على ورق
اما الي صدق انفجعت منها المؤشر العام يوم ارتفع ولمس الـ13880 بالرسم عندي لازم ينزل
ما امداه لمس النقطه الا وهو مدحدر تحت ما صدقت قلت وشلون يحس بالرسم ذا
بدعيلك كل ما تذركتك
بلا مؤشرات بلا هم بلا خرابيط ارسم وبس هذي المؤشرات بلا ماكد بلا آر اس اي لاني ما عطيتهن بال امس
|